ਖਾਮੋਸ਼ ਸ਼ਬਦ (silent word)

ਕਰ ਲਓ ਘਿਓ ਨੂੰ ਭਾਂਡਾ

2011-06-20T21:37:00.000-07:00

ਸਾਰਾ ਸਾਲ ਪਲੈਨਿੰਗ ਕਰਦੇ ਰਹੇ ਕੇ ਯਾਰ ਗਰਮੀਆਂ ਦੀਆਂ ਛੁੱਟੀਆਂ 'ਚ ਚਲੋ ਘਰਵਾਲੀ ਨਾਲ ਘੁੰਮਣ ਚੱਲਾਂਗੇ ਕਿਤੇ, ਸਾਰੇ ਸਾਲ ਦੇ ਘੁੰਮਣ ਦੇ ਚਾਅ ਪੂਰੇ ਕਰਾਂਗੇ, ਕਿਉਂਕਿ ਸਰਕਾਰੀ ਨੌਕਰੀ ਕਰਕੇ ਸਾਰਾ ਸਾਲ ਤਾਂ ਕਿਤੇ ਜਾ ਨਹੀਂ ਹੁੰਦਾ। ਨਾਲੇ ਬੰਦਾ ਤਰੋ ਤਾਜ਼ਾ ਹੋ ਜਾਂਦਾ ਨਾਲੇ ਰੋਜ਼ਾਨਾ ਦੀ ਕੋਹਲੂ ਵਾਲੇ ਬਲ਼ਦ ਵਾਲੀ ਦੌੜ ਤੋਂ ਥੋੜੀ ਦੇਰ ਛੁਟਕਾਰਾ ਪਾ ਬੰਦਾ ਬੋਰੀਅਤ ਦੂਰ ਕਰਦਾ, ਨਵੀਂ ਐਨਰਜੀ ਮਿਲਦੀ ਕੰਮ ਕਰਨ ਨੁੰ ਉਤਸ਼ਾਹ ਮਿਲਦਾ। ਪਰ ਆ ਸਾਲੀ ਸਰਕਾਰ ਨੇ ਸਾਰੀ ਕੀਤੀ ਕਰਾਈ ਖੂਹ 'ਚ ਪਾਤੀ ਸਾਲੀ। ਮਈ ਮਹੀਨੇ ਦੇ ਅੰਤਲੇ ਦਿਨਾਂ 'ਚ ਕਾਗਜ਼ੀ ਕਾਰਵਾਈਆਂ ਪੂਰੀਆਂ ਕਰ ਦਿੱਤੀਆਂ ਅਸੀਂ ਆਪਣੇ ਪੱਕੇ ਹੋਣ ਦੇ ਹੁਕਮ ਲੈਣ ਲਈ। ਪਰ ਸਾਡੇ ਨਾਲ ਪਤਾ ਨੀ ਸਰਕਾਰ ਨੇ ਕਿਹੜੇ ਵੈਰ ਕੱਢੇ ਯਾਰ ਸਾਰਾ ਮਹੀਨਾ ਜ਼ਿਲ੍ਹੇ 'ਚ ਡੀ.ਈ.ਓ. ਆਫਿਸ ਦੇ ਗੇੜੇ ਮਰਵਾ ਮਰਵਾ ਈ ਮਾਰਤਾ। ਜੂਨ ਦੇ ਅੰਤ 'ਚ ਆ ਕੇ ਆਰਡਰ ਮਿਲੇ ਹੁਣ। ਚਲੋ ਖੈਰ ਗੇੜੇ ਮਾਰ ਮਾਰ ਆਰਡਰ ਲੈ ਲਏ, ਹੁਣ ਸਰਕਾਰ ਤਨਖਾਹ ਨੀ ਪਾਉਂਦੀ ਪਈ। ਹੁਣ ਓਦਾਂ ਜਾਣ ਤੋਂ ਬੈਠੇ ਹਾਂ। ਹੁਣ ਸੋਚਦੇ ਹਾਂ ਚਲੋ ਛੱਡੋ ਯਾਰ ਹੁਣ ਕੀ ਜਾਣਾ ਸਾਲੀਆਂ ਛੁੱਟੀਆਂ ਤਾਂ ਖਤਮ ਹੋਣ ਲੱਗੀਆਂ। ਚਲੋ ਰੱਬ ਭਲਾ ਕਰੇ ਏਸ ਨਿਕੰਮੀ ਸਰਕਾਰ ਦਾ ਯਾਰ।

ਅੰਧਰੇਟੇ ਦਾ ਸਫ਼ਰ

2011-05-07T05:00:00.000-07:00

ਪਿਛਲੇ ਦਿਨੀਂ ਅਸੀਂ ਕੁਝ ਮਿੱਤਰ ਅੰਧਰੇਟੇ ਨੌਰਾ ਰਿਚਰਡਜ਼ ਦਾ ਰੰਗਮੰਚ ਵੇਖਣ ਲਈ ਗਏ, ਰਸਤੇ ਵਿਚ ਲਈਆਂ ਦੋ ਤਸਵੀਰਾਂ ਤੁਹਾਡੀ ਨਜ਼ਰ...

ਸ਼ਹੀਦੀ ਦਿਵਸ 'ਤੇ ਵੀ ਰੋਟੀ ਸੇਕਣੋਂ ਪਿੱਛੇ ਨਾ ਰਹੇ...

2011-03-23T08:52:00.000-07:00

੨੩ ਮਾਰਚ ਸ਼ਹੀਦ ਭਗਤ ਸਿੰਘ ਨੂੰ ਸਮਰਪਿਤ ਹੈ। ਪਰ ਸਾਡੇ ਮੰਤਰੀ ਸਹਿਬਾਨ ਤਾਂ ਇਸ ਦਿਨ ਨੂੰ ਵੀ ਲੋਕਾਂ ਦੀਆਂ ਭਾਵਨਾਵਾਂ ਨਾਲ ਖੇਡਣ ਲਈ ਹਥਿਆਰ ਵਜੋਂ ਵਰਤ ਰਹੇ ਹਨ। ਜੇ ਭਗਤ ਸਿੰਘ ਅੱਜ ਹੁੰਦਾ ਤਾਂ ਉਹ ਹੁਣ ਵੀ ਇਨ੍ਹਾਂ ਜਿਹੇ ਮੰਤਰੀਆਂ ਦੇ ਖਿਲਾਫ਼ ਖੜ੍ਹਾ ਹੁੰਦਾ। ਇਹ ਮੰਤਰੀ ਤਾਂ ਉਹਦੇ ਵੇਖੇ ਸੁਪਨਿਆਂ ਦਾ ਕ਼ਤਲ ਕਰ ਰਹੇ ਹਨ, ਆਮ ਜਨਤਾ ਦਾ ਅੱਤ ਦਾ ਸ਼ੋਸ਼ਣ ਕਰ ਕੇ ਪੂਰੇ ਪੰਜਾਬ ਨੂੰ ਆਪਣੀ ਮਲਕੀਅਤ ਬਣਾ ਕੇ, ਇਹ ਇਸ ਕਾਬਿਲ ਨਹੀਂ ਕਿ ਉਸ ਸ਼ਹੀਦ ਦੇ ਬੁੱਤ 'ਤੇ ਹਾਰ ਪਾਉਣ। ਇਹ ਭਗਤ ਸਿੰਘ ਨੂੰ ਤਾਂ ਕੀ ਭਗਤ ਸਿੰਘ ਜਿਹੀ ਸੋਚ ਦੇ ਬੰਦੇ ਨੂੰ ਵੀ ਨਹੀਂ ਜਰ ਸਕਦੇ। ਭਗਤ ਸਿੰਘ ਜਿਹੀ ਸੋਚ ਰੱਖਣ ਵਾਲਾ ਸਾਡਾ ਸ਼ਹੀਦ ਪਾਸ਼ ਵੀ ਹੈ ਜੋ ਅੱਜ ਦੇ ਦਿਨ ਹੀ ਸ਼ਹੀਦ ਹੋਇਆ, ਕਿਉਂਕਿ ਉਹ ਭਗਤ ਸਿੰਘ ਦੀ ਸੋਚ ਨੂੰ ਅੱਗੇ ਲੈ ਕੇ ਚੱਲਾ ਸੀ।ਲੋੜ ਇਨ੍ਹਾਂ ਦੀ ਸੋਚ ਨੂੰ ਅੱਗੇ ਲੈ ਕੇ ਜਾਣ ਦੀ ਹੈ ਨਾ ਕਿ ਇਸ ਦਿਨ ਬੁੱਤਾਂ 'ਤੇ ਹਾਰ ਪਾ ਕੇ , ਵਿਚਾਰ ਵਟਾਂਦਰਾ ਕਰ ਕੇ ਰਾਤ ਨੂੰ ਆਰਾਮ ਨਾਲ ਸੌਣ ਦੀ। ਕੋਸ਼ਿਸ਼ ਕਰ ਕੇ ਸਾਨੂੰ ਇਨ੍ਹਾਂ ਨੂੰ ਪੜ੍ਹਨਾ ਚਾਹੀਦਾ ਹੈ ਤਾਂ ਕਿ ਪਤਾ ਲੱਗੇ ਇਨ੍ਹਾਂ ਦੀ ਸ਼ਹੀਦੀ ਦੇ ਕਾਰਣ ਕੀ ਨੇ ਤੇ ਇਹ ਕੀ ਕਹਿਣਾ ਚਾਹੁੰਦੇ ਸੀ।

ਦਾਰਾ ਸ਼ਰਾਬੀ...

2010-11-06T23:24:00.000-07:00

ਸਾਡਾ ਘਰ ਪਿੰਡ ਦੇ ਬਾਹਰਲੇ ਪਾਸੇ ਹੈ, ਕੱਲ੍ਹ ਰਾਤੀਂ ਜਦੋਂ ਮੈਂ ਸੜਕ ਪਾਰ ਕਰ ਡੇਅਰੀ ਤੋਂ ਦੁੱਧ ਲੈਣ ਗਿਆਂ ਤਾਂ ਸ਼ਾਂਬੇ ਨੂੰ ਟੱਲੀ ਹੋ ਕੇ ਗਲ਼ੀ 'ਚ ਪਏ ਨੂੰ ਵੇਖ ਕੇ ਦਾਰਾ ਸ਼ਰਾਬੀ ਚੇਤੇ ਆ ਗਿਆ।ਦਾਰਾ ,ਸ਼ਾਂਬੇ ਦਾ ਵੱਡਾ ਭਰਾ ਸੀ।ਕੁਝ ਮਹੀਨੇ ਪਹਿਲਾਂ ਹੀ ਉਹ ਇਕ ਦੁਰਘਟਨਾ 'ਚ ਚੱਲ ਵਸਿਆ। ਪਿਛਲੇ ਸਾਲ ਦੀ ਗੱਲ ਆ ਮੈਂ ਆਪਣੇ ਮਿੱਤਰ ਦੇ ਘਰ ਜਾ ਰਿਹਾ ਸੀ ਰਾਤ ਦੇ ਅੱਠ ਕੁ ਵਜੇ ਦਾ ਵਕਤ ਸੀ ਦਾਰਾ ਗਲ਼ੀ 'ਚ ਇਕ ਕਤੂਰੇ ਨੂੰ ਘੇਰ ਕੇ ਖੜ੍ਹਾ ਸੀ।ਨਿਆਣਿਆਂ ਨੇ ਉਹਦੇ ਦੁਆਲੇ ਭੀੜ ਪਾਈ ਹੋਈ ਸੀ।ਦਾਰਾ ਕੁੱਤੇ ਨੂੰ ਕਹਿ ਰਿਹਾ ਸੀ, ' ਓਏ ਤੁੰ ਕੁੱਤਾ ਆਂ..........ਓਏ ਤੁੰ ਕੁੱਤਾ ਆਂ .........ਓਏ ਤੁੰ ਕੁੱਤਾ ਆਂ ਤਾਂ ਮੈਨੂੰ ਵੱਢ ਕੇ ਵਿਖਾ (ਕੁੱਤੇ ਅੱਗੇ ਲੱਤ ਕਰ ਕੇ)।ਸਾਲਿਆ ਤੈਨੂੰ ਤਾਂ ਭੌਕਣਾ ਵੀ ਨਹੀਂ ਆਉਂਦਾ..ਮੈਂ ਤੈਨੂੰ ਭੌਕਣਾ ਸਿਖਾਉਂਦਾ........ ਚੱਲ ਮੇਰੇ ਪਿੱਛੇ ਪਿੱਛੇ ਭੌਂਕ.....(ਫਿਰ ਉਹ ਉੱਚੀ ਉੱਚੀ ਭੌਕਣ ਦੀ ਆਵਾਜ਼ ਕੱਢਦਾ ਤੇ ਖੜ੍ਹੇ ਹੋਏ ਸਾਰਿਆ 'ਚ ਹਾਸੀ ਮੱਚ ਜਾਂਦੀ)।
..............
ਸਾਡੀ ਕਰਿਆਨੇ ਦੀ ਦੁਕਾਨ ਹੈ।ਸਿਆਲ਼ਾ 'ਚ ਬਲ਼ਣ ਵਾਲੀ ਧੂਣੀ ਦੀ ਪ੍ਰੰਪਰਾ ਸਾਡੀ ਦੁਕਾਨ ਅੱਗੇ ਅਜੇ ਵੀ ਕਾਇਮ ਹੈ।ਇਕ ਵਾਰ ਦਾਰਾ ਦੁਕਾਨ 'ਤੇ ਆਇਆ ਬੀੜੀਆਂ ਦਾ ਬੰਡਲ ਤੇ ਪੰਜ ਰੁਪਦੇ ਦੀ ਮੂੰਗਫ਼ਲੀ ਲੈ ਕੇ ਧੂਣੀ 'ਤੇ ਆ ਗਿਆ।ਬਾਪੂ ਨੇ ਕਿਹਾ,"ਚੱਲ ਓਏ ਘਰ ਨੂੰ, ਪੀ ਕੇ ਘਰੇ ਬੈਠਿਆ ਕਰੋ...."। ਦਾਰਾ ਆਪਣੇ ਅੰਦਾਜ਼ 'ਚ ,"ਦਾਰਾ ਧੂਣੀ 'ਤੇ ਬਹਿ ਜਾਏ ਨਾ, ਤਾਂ ਧੂਣੀ ਨੂੰ ਸਾੜ ਦਿੰਦਾ, ਦਾਰੇ ਨੂੰ ਕੁਝ ਨੀ ਹੁੰਦਾ ਓ ਮਹਾਰਾਜ..."। ਉਹ ਖੜ੍ਹਾ ਰਿਹਾ।ਹੁਣੇ ਖਰੀਦੀ ਮੂੰਗਫ਼ਲੀ ਉਹ ਵੰਡਣ ਲੱਗਾ, ਮੈਂ ਕਿਹਾ,"ਚਾਚਾ ਸਾਡੇ ਕੋਲ ਹੈਗੀ ਆ ਤੂੰ ਘਰੇ ਨਿਆਣਿਆਂ ਲਈ ਲੈਜਾ"। ਦਾਰਾ ਮੇਰੇ ਵੱਲ ਨੂੰ ਮੂੰਹ ਕਰ ਕੇ ਟੇਡਾ ਜਿਹਾ ਹੋ ਕੇ,"ਨਾ ਤੁਸੀਂ ਮੇਰੇ ਪਿਓ ਲੱਗਦੇ ਆਂ ਓਏ........."।ਧੂਣੀ 'ਤੇ ਬੈਠੇ ਹੋਏ ਸਾਰਿਆਂ ਨੂੰ ਹੁਥੂ ਆ ਗਿਆ ਮੂੰਗਫ਼ਲੀ ਖਾਂਦਿਆਂ ਨੂੰ (ਬਾਪੂ ਸਮੇਤ)।

ਰਾਕੇਸ਼ ਆਨੰਦ ਦਾ ਪਲੇਠਾ ਕਾਵਿ-ਸੰਗ੍ਰਹਿ

2010-09-17T04:37:00.000-07:00

"ਮੈਂ ਇਕਲੱਵਿਆ ਨਹੀਂ" ਪਲੇਠੇ ਕਾਵਿ-ਸੰਗ੍ਰਹਿ ਜ਼ਰੀਏ ਸਾਡਾ ਮਿੱਤਰ ਰਾਕੇਸ਼ ਆਨੰਦ ਪੰਜਾਬੀ ਪਾਠਕਾਂ ਦੇ ਨਾਲ ਮੁਖ਼ਾਤਿਬ ਹੋਣ ਜਾ ਰਿਹਾ।ਜਲਦੀ ਹੀ ਇਹ ਸੰਗ੍ਰਹਿ ਸਭ ਦੋਸਤਾਂ ਦੇ ਹੱਥਾਂ 'ਚ ਹੋਵੇਗਾ।
ਇਹ ਸੰਗ੍ਰਹਿ ਆਸਥਾ ਪ੍ਰਕਾਸ਼ਨ ਵਲੋਂ ਸ਼ਬਦਮੰਡਲ ਦੇ ਸਹਿਯੋਗ ਨਾਲ ਛਾਪਿਆ ਗਿਆ , ਭੁਮਿਕਾ ਜਗਵਿੰਦਰ ਜੋਧਾ (ਡਾ:) ਵਲੋਂ ਲਿਖੀ ਹੋਈ ਹੈ ਤੇ ਸਰਵਰਕ ਆਸਟ੍ਰੇਲੀਆ ਵਸਦੇ ਸਾਡੇ ਮਿੱਤਰ ਰਾਜੀ ਮੁਸੱਵਰ ਵਲੋਂ ਤਿਆਰ ਕੀਤਾ ਗਿਆ ਹੈ।

DHOKHEBAJ TO BACHO

2010-09-05T00:45:00.000-07:00

SAT SARI AKAL DOSTO

mera khyal hai k sab dostan nu yaad hovega k piche jehe punjabi de kahanikar WARYAM SANDHU huran da email password chori ho gya c te us id to sb nu ik mail i c k main england vich fs gya han te mera purse vgera sb kuj chori ho gya hai so menu tuhadi help di lor hai.jina nu mail i c una cho ik main v c.bad ch pta chal gya k eh kise dhokhebaj da km hai sandhu saheb vallo is tra di koi mail ni i...hun aj hai main apni yahoo id check kr reha c tan sade sanje mitter JASWINDER SANDHU ji de email pte to ik mail i hai jisdi wording same o he hai jo waryam sandhu saheb di email di c. vaise is gl da menu tan yakeen hai k eh mail sandhu saheb ne nahi bheji, una da password v chori ho gya hai te eh kise dhokhebaj da he km hai. i hoi email main ithe he de reha han...
-----------

Hello
I am in hurry writing you this short message and I am sorry I didn't inform you about my traveling. I had traveled to London yesterday to visit a new Researchers' Complex in London, Imperial College London, Gallery Section, (South Kensington Campus, London SW7 2AZ), England, It has been a very sad and bad moment for me, the present condition am in right now is so hard for me to explain. I am really stranded in England because I forgot my little bag in the Taxi where my money, passport and some valuable documents were kept on my way to the Hotel am staying, I am facing a hard time here because i have no money on me and i don't know what to do or were to go to right now. i now owe the hotel some money for my stay and they want me to pay the bill soon or they will have get me out immediately.

I need this help from you urgently because i need to pay the hotel bill i owe and get a new ticket back home. So please can you help me with a sum of 1900pounds to sort out my problems here. I am sending you this email from the hotel receptionist computer right now because i don't have access to phone and don't have money to call international right now, I will appreciate what so ever you can afford to send me for now and I promise to pay back your money as soon as i return home. i will be waiting to hear from you so i can tell you on how to send the money down here so i can be home immediately.

Best Regards Jassi
(Jaswinder Sandhu)

----------

menu japda hai k is vare VEER JASWINDER SANDHU ji nu v kuj ni pta hona so una nu suchet krn di lor hai.

OnE SmS

2010-06-24T23:00:00.000-07:00

PICHLE KUJ DINA TO IK SMS PUNJAB VICH MOBILE TO MOBILE BDE CHAKKAR KUT REHA HAI. UMEED HAI K TUSI V PAR K GAMBEER HASA JAROOR HASOGE...
----------
President Obama went to school to interact with children. After a brief talk he asked if they had any questions. One boy raised his hand.
Obama: What's ur name.?
Boy: john.
Obama:What's ur question.?
John:Sir, i have three question.
1.Why did America attack Iraq without approval of U.N.?
2.Where is Osama.?
3.Why does America support Pakistan so much.?

Obama: you are an intelligent student john.
(just then the recess bell rang)

Obama: Oh students we will continue agter the recess is over.

After the recess.

Obama:Ok children where were we.? So anybody want's to ask a question.?
Peter raises hand.
Obama:what's your name.?
Peter: Sir, i am peter and i have 5 questions.
1.Why did America attack Iraq without approval of U.N.?
2.Where is Osama.?
3.Why does America support Pakistan so much.?
4. Why did recess bell rang 20 mins beforr the time?
5.Where is John?

thats Politics..!!

ਸੰਜੀਵਨੀ ਬੂਟੀ 'ਪੜ੍ਹੋ ਪੰਜਾਬ'

2010-06-08T11:49:00.000-07:00

ਬਈ ਦੋਸਤੋ , ਮੰਨੋ ਜਾਂ ਭਾਵੇਂ ਨਾ ਮੰਨੋ ਪਰ ਗੱਲ ਇਹ ਸੱਚ ਆ ਕਿ ਪ੍ਰਾਇਮਰੀ ਸਿੱਖਿਆ 'ਚ ਸੁਧਾਰ ਹੋਣਾ ਸ਼ੁਰੂ ਵੀ ਹੋ ਗਿਆ ਆ ਤੇ ਬਹੁਤ ਸੁਧਾਰ ਹੋ ਵੀ ਗਿਆ ਆ।ਪਰ ਇੰਨਾ ਹੀ ਕਾਫ਼ੀ ਨਹੀਂ ਮੰਨਿਆ ਜਾ ਸਕਦਾ ਕਿਉਂਕਿ ਅਜੇ ਹੋਰ ਵੀ ਸੁਧਾਰ ਦੀ ਬਹੁਤ ਲੋੜ ਹੈ।ਸਰਵ ਸਿੱਖਿਆ ਅਭਿਆਨ ਵਲੋਂ ਚਲਾਇਆ ਪ੍ਰੋਜੈਕਟ "ਪੜ੍ਹੋ ਪੰਜਾਬ" ਪ੍ਰਾਇਮਰੀ ਸਕੂਲਾਂ ਦੇ ਬੱਚਿਆਂ ਲਈ ਜਿੱਥੇ ਵਰਦਾਨ ਬਣ ਕੇ ਆਇਆ ਉੱਥੇ ਅਧਿਪਆਕਾਂ ਵਲੋਂ ਇਸ ਨੂੰ ਰਲਵਾਂ ਮਿਲਵਾਂ ਹੁੰਗਾਰਾ ਮਿਲਿਆ। ਬਹੁਤ ਸਾਰੇ ਅਧਿਆਪਕਾਂ ਨੇ ਤਾਂ ਇਸ ਦੀਆਂ ਖੂਬੀਆਂ ਨੂੰ ਦੇਖਦਿਆਂ ਹੋਇਆਂ ਇਸ ਵਿਧੀ ਅਤੇ ਸਮੱਗਰੀ ਨੂੰ ਅਪਣਾਇਆ ਪਰ ਦੂਜੇ ਪਾਸੇ ਇਕ ਉਹ ਵਰਗ ਵੀ ਹੈ ਜਿਹੜਾ ਇਸ ਨੂੰ ਪਰਖਣ ਦੀ ਬਜਾਏ ਇਸ ਦੀ ਭੰਡੀ ਕਰਨ ਵਿੱਚ ਹੀ ਰੁੱਝਾ ਰਹਿੰਦਾ ਹੈ।ਪੜ੍ਹੋ ਪੰਜਾਬ ਅਧੀਨ ਪਹਿਲਾਂ ਜਿੱਥੇ ਗਣਿਤ ਅਤੇ ਪੰਜਾਬੀ ਦੇ ਹੀ ਸਵੇਰ ਦੇ ਸਮੇਂ ਵਿੱਚ ਦੋ ਘੰਟੇ ਲਗਾਏ ਜਾਂਦੇ ਸਨ ਅਤੇ ਇਸ ਦਾ ਨਤੀਜਾ ਵੀ ਚੰਗਾ ਪ੍ਰਾਪਤ ਹੋਇਆ ਹੁਣ ਇਸ ਵਿੱਚ ਹੋਰ ਵਾਧਾ ਕੀਤਾ ਗਿਆ ਅਤੇ ਇਕ ਘੰਟਾ ਅੰਗਰੇਜ਼ੀ ਵਿਸ਼ੇ ਲਈ ਵੀ ਰਾਖਵਾਂ ਰੱਖ ਲਿਆ ਗਿਆ ਹੈ।ਪਹਿਲਾਂ ਪੜ੍ਹੋ ਪੰਜਾਬ ਅਧੀਨ ਅੰਗਰੇਜ਼ੀ ਸਿਰਫ਼ ਉਨ੍ਹਾਂ ਹੀ ਬੱਚਿਆਂ ਨੂੰ ਪੜ੍ਹਾਈ ਜਾਂਦੀ ਸੀ ਜਿਹੜੇ ਪੰਜਾਬੀ ਚੰਗੀ ਤਰ੍ਹਾਂ ਪੜ੍ਹ ਲੈਂਦੇ ਸੀ, ਪਰ ਹੁਣ ਇਹ ਪਹਿਲੀ ਕਲਾਸ ਤੋਂ ਹੀ ਸ਼ੁਰੂ ਕਰ ਦਿੱਤੀ ਗਈ ਹੈ।ਪੜ੍ਹੋ ਪੰਜਾਬ ਵਿੱਚ ਬੱਚਿਆਂ ਨੂੰ ਉਨ੍ਹਾਂ ਦੀ ਪੜ੍ਹਾਈ ਦੇ ਪੱਧਰ ਦੇ ਅਨੁਸਾਰ ਵੱਖ ਵੱਖ ਮਹਿਲਾਂ 'ਚ ਬਿਠਾਇਆ ਜਾਂਦਾ ਹੈ। ਹਰ ਮਹਿਲ ਦੀ ਪੜ੍ਹਾਈ ਲਈ ਸਮੱਗਰੀ ਪੜ੍ਹੋ ਪੰਜਾਬ ਵੱਲੋਂ ਵੱਖਰੇ ਤੌਰ 'ਤੇ ਭੇਜੀ ਜਾਂਦੀ ਹੈ।
ਇਸ ਪੜ੍ਹੋ ਪੰਜਾਬ ਪ੍ਰੋਜੈਕਟ ਦਾ ਹੀ ਨਤੀਜਾ ਹੈ ਕਿ ਅੱਜ ਪ੍ਰਾਇਮਰੀ ਸਕੂਲਾਂ ਵਿੱਚ ਮਾਪਿਆਂ ਦਾ ਵਿਸ਼ਵਾਸ ਦੁਬਾਰਾ ਜਾਗਿਆ ਹੈ ਅਤੇ ਇਸ ਵਾਰ ਪ੍ਰਾਇਮਰੀ ਸਕੂਲਾਂ ਵਿੱਚ ਬੱਚਿਆਂ ਦੀ ਗਿਣਤੀ ਵਿੱਚ ਚੋਖਾ ਵਾਧਾ ਹੋਇਆ ਹੈ।ਇਸ ਸਫਲਤਾ ਲਈ ਜਿੱਥੇ ਪੰਜਾਬ ਸਰਕਾਰ, ਸਰਵ ਸਿੱਖਿਆ ਅਭਿਆਨ, ਡੀ.ਜੀ.ਐੱਸ.ਈ. ਵਧਾਈ ਦੇ ਪਾਤਰ ਨੇ ਉੱਥੇ ਨਾਲ ਹੀ ਉਹ ਸਾਰਾ ਅਧਿਆਪਕ ਵਰਗ ਵੀ ਇਸ ਲਈ ਵਧਾਈ ਦਾ ਹੱਕਦਾਰ ਹੈ ਜਿਸਨੇ ਇਸ ਕਾਰਜ ਨੂੰ ਸਫ਼ਲ ਬਣਾਉਣ ਵਿੱਚ ਪੂਰੀ ਮਿਹਨਤ ਨਾਲ ਆਪਣਾ ਫ਼ਰਜ਼ ਨਿਭਾਇਆ।
ਬਸ ਹੁਣ ਜਲਦੀ ਜਲਦੀ ਸਰਕਾਰ ਜੇ ਕਿਤੇ ਪ੍ਰਾਇਮਰੀ ਵਿਭਾਗ ਵਿੱਚ ਅਧਿਆਪਕਾਂ ਦੀ ਕਮੀ ਨੂੰ ਪੂਰਾ ਕਰ ਦੇਵੇ ਤੇ ਅਧਿਆਪਕ ਸਿਰੋਂ ਡਾਕਾਂ ਦਾ ਥੋੜਾ ਹੋਰ ਭਾਰ ਘਟਾ ਦਿੱਤਾ ਜਾਵੇ ਤਾਂ ਰਹਿੰਦੀ ਕਸਰ ਵੀ ਜਲਦੀ ਹੀ ਪੂਰੀ ਹੋ ਜਾਵੇਗੀ.

ਰਾਜੀ ਮੁਸੱਵਰ ਦੀ ਚਿੱਤਰਕਾਰੀ

2010-04-12T10:27:00.000-07:00

ਮੇਰੇ ਮਿੱਤਰ ਰਾਜੀ ਮੁਸੱਵਰ ਸਾਹਿਬ ਪਿਛਲੇ ਕਈ ਸਾਲਾਂ ਤੋਂ ਅਸਟ੍ਰੇਲੀਆ ਵਿੱਚ ਰਹਿ ਕੇ ਉੱਥੋਂ ਦੇ ਆਪਣੇ ਤਜਰਬਿਆਂ ਨੂੰ ਆਪਣੀ ਕਲਮ ਰਾਹੀਂ ਸ਼ਬਦਾਂ 'ਚ ਬੰਨਣ ਦੇ ਆਹਰ 'ਚ ਲੱਗੇ ਹੋਏ ਨੇ ਉੱਥੇ ਨਾਲ ਦੀ ਨਾਲ ਹੀ ਉਹ ਚਿੱਤਰਕਾਰੀ ਲਈ ਵੀ ਕਦੀ ਸਮਾਂ ਕੱਢਣਾ ਨਹੀਂ ਭੁੱਲਦੇ। ਉਨ੍ਹਾਂ ਦੁਆਰਾ ਬਣਾਈਆ ਡਾ: ਸਤਿੰਦਰ ਸਰਤਾਜ ਸਾਹਿਬ ਦਾ ਚਿੱਤਰ , ਜਿਹੜਾ ਕਿ ਸਰਤਾਜ ਸਾਹਿਬ ਦੀ ਨਵੀਂ ਐਲਬਮ ਦੇ ਕਵਰ ਦਾ ਸ਼ਿੰਗਾਰ ਬਣਿਆ ਹੈ, ਉਹ ਤੁਹਾਡੇ ਨਾਲ ਸਾਂਝਾ ਕਰ ਕੇ ਖੁਸ਼ੀ ਲੈ ਰਿਹਾਂ ਹਾਂ...

ਸ਼ੀਸ਼ਾਂ

2010-03-31T10:32:00.000-07:00

ਚਿਹਰਾ ਬਦਲ ਕੇ

ਜਾਂ

ਨਜ਼ਰ ਬਦਲ ਕੇ

ਸ਼ੀਸ਼ੇ ਦੇ ਸਨਮੁੱਖ ਹੋਣਾ

ਫਿਰ ਆਪਣੇ ਆਪ ਨੂੰ

ਸ਼ੀਸ਼ੇ ਚੋਂ ਵੇਖਣਾ

ਪ੍ਰਗਟ ਬਿੰਬ

ਸ਼ੀਸ਼ੇ ਦਾ ਸੱਚ ਤਾਂ ਹੋ ਸਕਦਾ

ਪਰ ਤੁਹਾਡਾ ਨਹੀਂ...

ਕੁਝ ਸ਼ੇਅਰ

2010-01-09T09:13:00.004-08:00

ਸੂਝਵਾਨ,ਚਿੰਤਨਸ਼ੀਲ ਅਤੇ ਵਿਦਵਾਨ ਦੋਸਤੋ! ਅੱਜ ਮੇਰਾ ਦਿਲ ਤੁਹਾਡੇ ਨਾਲ ਕੁਝ ਉਹ ਸ਼ੇਅਰ ਸਾਂਝੇ
ਕਰਨ ਨੂੰ ਕਰਦਾ ਹੈ ,ਜਿਹੜੇ ਮੈਨੂੰ ਵੀ ਯਾਦ ਨਹੀਂ ਕਿ ਮੈਂ ਕਦੋਂ ਤੇ ਕਿੱਥੇ ਪੜ੍ਹੇ ਸੀ,
ਪਰ ਉਹ ਅੱਜ ਵੀ ਮੇਰੇ ਦਿਲੋ ਦਿਮਾਗ 'ਤੇ ਉੱਕਰੇ ਹੋਏ ਨੇ। ਇਹੋ ਜਿਹੇ
ਬਹੁਤ ਸਾਰੇ ਸ਼ੇਅਰ ਤੁਹਾਡੇ ਵੀ ਦਿਮਾਗ 'ਚ ਹੋਣਗੇ,ਜਿਹੜੇ ਤੁਹਾਡੇ ਨਾਲ
ਹਮੇਸ਼ਾਂ ਰਹਿੰਦੇ ਹੋਣਗੇ।ਮੈਂ ਚਾਹਵਾਂਗਾ ਕਿ ਤੁਸੀ ਉਹ ਸ਼ੇਅਰ ਮੈਨੂੰ ਮੇਰੇ e mail
ਪਤੇ 'ਤੇ ਜ਼ਰੂਰ ਲਿਖ ਕੇ ਭੇਜਣਾ।ਮੈਨੂੰ ਖੁਸ਼ੀ ਹੋਵੇਗੀ ਉਹ ਸ਼ੇਅਰ ਪੜ੍ਹ ਕੇ ਅਤੇ
ਆਪਣੇ ਬਾਕੀ ਦੋਸਤਾਂ ਨਾਲ ਸਾਂਝੇ ਕਰ ਕੇ ਇਸੇ ਬਲੌਗ ਰਾਹੀਂ।ਮੇਰਾ ਪਤਾ
deepnirmohi@gmail.com
ਸੋ ਹੁਣ ਪੇਸ਼-ਏ-ਨਜ਼ਰ ਹਨ ਉਹ ਸ਼ੇਅਰ ਜੋ ਅੱਜ ਵੀ ਮੇਰੇ ਚੇਤੇ,ਮੇਰੇ ਖਿਆਲ
'ਤੇ ਕਬਜ਼ਾ ਕਰ ਕੇ ਬੈਠੇ ਨੇ...

--
ਉਠਾ ਕਰ ਫੂਲ ਕੀ ਪੱਤੀ, ਨਜ਼ਾਕਤ ਸੇ ਯੂੰ ਮਸਲ ਡਾਲੀ
ਔਰ ਇਸ਼ਾਰੇ ਸੇ ਕਹਾ, ਹਮ ਦਿਲ ਕਾ ਐਸਾ ਹਾਲ ਕਰਤੇ ਹੈਂ।
--
ਮੁਖਾਲਫ਼ਤ ਸੇ ਮੇਰੀ ਤਕਦੀਰ ਸੰਵਰਤੀ ਹੈ,
ਦੁਸ਼ਮਨੋਂ ਕਾ ਬਹੁਤ ਮੈਂ ਅਹਿਤਰਾਮ ਕਰਤਾ ਹੂੰ।
--
ਲੇ ਦੇ ਕੇ ਖੁਦਾ ਨੇ ਇਕ ਨਜ਼ਰ ਤੋ ਦੀ ਹੈ,
ਕਿਉਂ ਦੇਖੇਂ ਕਿਸੀ ਔਰ ਕੋ, ਕਿਸੀ ਔਰ ਕੀ ਨਜ਼ਰ ਸੇ।
--
ਹਮਨੇ ਮਾਨਾ ਕਿ ਤਗਾਫ਼ੁਲ ਨਾ ਕਰੋਗੇ ਲੇਕਿਨ,
ਖਾਕ ਹੋ ਜਾਏਂਗੇ ਤੁਝਕੋ ਖ਼ਬਰ ਹੋਨੇ ਤਕ।
(ਗ਼ਾਲਿਬ)
--
ਤੁਮ ਮੇਰੇ ਪਾਸ ਹੋਤੇ ਹੋ ਗੋਆ,
ਜਬ ਕੋਈ ਦੂਸਰਾ ਨਹੀਂ ਹੋਤਾ।
--

ਇਕ ਨਜ਼ਮ

2010-01-04T06:05:00.001-08:00

ਨਜ਼ਮ
----

ਤੂੰ ਰਾਜ਼ੀ
...
ਮੋਬਾਇਲ 'ਤੇ
ਤੇਰੇ ਲਈ
ਮੈਸੇਜ ਟਾਇਪ ਕਰਦੀਆਂ ਉਂਗਲਾਂ
ਇਕ ਸਰੂਰ 'ਚ
ਲੈਅ 'ਚ
ਨੱਚਦੀਆਂ ਨੇ
ਕੀ ਪੈਡ 'ਤੇ ।
-

ਤੁੰ ਗੁੱਸੇ
...
ਮੋਬਾਇਲ ਚੁੱਕਣਾ ਵੀ
ਇੰਝ ਲੱਗਦਾ ਹੈ
ਜਿਵੇਂ ਚੀਚੀ 'ਤੇ ਪਹਾੜ ਚੁੱਕਣਾ
ਅੱਖਾਂ ਤੇ ਕੰਨ
ਦੋਵੇਂ ਟਿਕੇ ਰਹਿੰਦੇ ਨੇ
ਮੋਬਾਇਲ 'ਤੇ
ਪਹਿਲ ਕਰਨੀ
ਸਾਨੂੰ ਦੋਹਾਂ ਨੂੰ
ਨੀਵੇਂ ਹੋਣ ਦਾ ਅਹਿਸਾਸ ਜਾਪਦੀ ਹੈ
ਇੰਝ ਹੀ ਬੈਠਿਆਂ
ਗੁਜ਼ਰ ਜਾਂਦੀ ਹੈ
ਇਕ ਹੋਰ ਰਾਤ ।

smile plzzzzzzzzzzzzzzzzzzzzzzzzzzzz...

2009-12-21T03:12:00.000-08:00

In England an old punabi woman walks on snow
and falls.she cries , "haye meri kismat..." An Englishman
walks by and replies , "Hi, merry christmas to you too..."

ਗ਼ਜ਼ਲ

2009-11-02T00:01:00.001-08:00

ਦੋਸਤੋ ! ਅੱਜ ਮੈਂ ਜਿਹੜੀ ਗ਼ਜ਼ਲ ਤੁਹਾਡੇ ਨਾਲ ਸਾਂਝੀ ਕਰਨ ਜਾ ਰਿਹਾਂ ਹਾਂ ਇਹ 16 ਜੁਲਾਈ 2005 ਦੀ ਲਿਖੀ ਹੋਈ ਹੈ।ਅੱਜ ਦਿਲ ਕੀਤਾ ਕਿ ਆਪਣੀ ਪੁਰਾਣੀ ਗ਼ਜ਼ਲ ਤੁਹਾਡੇ ਰੂ-ਬ-ਰੂ ਕਰਾਂ।ਉਮੀਦ ਹੈ ਪ੍ਰਤੀਕਿਰਿਆ ਜ਼ਰੂਰ ਦਿਓਗੇ...
---
ਗ਼ਜ਼ਲ
---
ਤੂੰ ਮੇਰੀ ਮੈਂ ਤੇਰਾ ਰਾਤ ਦਿਨ ਦੀ ਤਰ੍ਹਾਂ
ਨਾ ਵਿਛੜ ਹੀ ਸਕੇ ਨਾ ਮਿਲੇ ਹਾਂ ਕਦੇ
---
ਹਮਸਫ਼ਰ ਵੀ ਮਿਲੇ ਰਹਿਨੁਮਾਂ ਵੀ ਮਿਲੇ
ਪਰ ਪਤੇ ਮੰਜ਼ਿਲਾਂ ਦੇ ਮਿਲੇ ਨਾ ਕਦੇ
---
ਕੁਝ ਕੁ ਨਜ਼ਰਾਂ ਲਈ ਗੁਜ਼ਰਿਆਂ ਵਕਤ ਹਾਂ
ਕੁਝ ਲਈ ਮੈਂ ਅਭੁੱਲ ਦਾਸਤਾਂ ਹਾਂ ਕਦੇ
---
ਮਿਲ ਲਕੀਰਾਂ ਗਈਆਂ ਕਿਸਮਤਾਂ ਵੀ ਮਿਟ
ਜਾਨ ਕਲਬੂਤ ਵੀ ਰਹਿ ਸਦਾ ਨਾ ਕਦੇ
---
ਦਾਸਤਾਂ ਇਸ਼ਕ ਦੀ ਨਸ਼ਰ ਹੋ ਜਾਣੀ ਸੀ
ਮੁੱਠੀ ਵਿੱਚ ਨਾ ਲੁਕੇ ਰੌਸ਼ਨੀ ਤਾਂ ਕਦੇ
---
ਵੇਖ ਵਗਦੀ ਨਦੀ ਸਿੱਖ ਜਿਊਣਾ ਜ਼ਰਾ
ਰੁਕਿਆਂ ਤਾਂ ਕਿਸੇ ਦੇ ਵਕਤ ਰੁਕੇ ਨਾ ਕਦੇ ।
---

2009-11-02T00:01:00.000-08:00

ਪੰਜਾਬੀ ਬੜੇ ਸੂਮ ਹੋਤੇ ਹੈਂ...

2009-10-10T23:30:00.000-07:00

ਕੁਝ ਦਿਨ ਪਹਿਲਾਂ ਮੇਰਾ ਇਕ ਮਿੱਤਰ ਜੋ ਹਿੰਦੀ ਸਾਹਿਤ ਨਾਲ ਜੁੜਿਆ ਹੋਇਆ ਹੈ ਮੇਰੇ ਕੋਲ ਬੈਠਾ ਸੀ ਅਸੀਂ ਪੰਜਾਬੀ ਦੀ ਇੱਕ ਕਹਾਣੀ ਪੜ੍ਹ ਰਹੇ ਸੀ ਉਸ ਵਿੱਚ ਇਕ ਸ਼ਬਦ ਆਇਆ ਸੂਮ ਉਸਨੂੰ ਇਸ ਦਾ ਮਤਲਬ ਨਹੀਂ ਪਤਾ ਸੀ ਮੈਂ ਉਹਨੂੰ ਇਸ ਦਾ ਮਤਲਬ ਸਮਝਾਇਆ ਕਿ ਭਾਈ ਇਸ ਦਾ ਮਤਲਬ ਕੰਜੂਸ ਹੁੰਦਾ।ਉਹ ਫਟਾ ਫੱਟ ਮੂੰਹ ਸਵਾਰ ਕੇ ਮੈਨੂੰ ਕਹਿਣ ਲੱਗਾ ਫਿਰ ਤੋਂ ਪੰਜਾਬੀ ਬੜੇ ਸੂਮ ਹੋਤੇ ਹੈ।ਮੈਂ ਕਿਹਾ ਉਹ ਤੈਨੂੰ ਕੀ ਹੋ ਗਿਆ ਪੰਜਾਬੀ ਤਾਂ ਪੂਰੀ ਦੁਨੀਆ ਵਿਚ ਖੁੱਲੇ ਜਿਗਰੇ ਕਰਕੇ ਹੀ ਪ੍ਰਸਿੱਧ ਨੇ ਤੂੰ ਕਿਸ ਆਧਾਰ 'ਤੇ ਕਹਿ ਰਿਹਾਂ ਕਿ ਪੰਜਾਬੀ ਸੂਮ ਹੁੰਦੇ ਆ।ਉਹਨੇ ਫਟਾ ਫੱਟ ਆਪਣਾ ਲੈਪਟੌਪ ਚੁੱਕਿਆ ਤੇ ਇੰਟਰਨੈੱਟ 'ਤੇ ਚੱਲ ਰਹੇ ਪੰਜਾਬੀ ਸਾਹਿਤ ਨਾਲ ਜੁੜੇ ਬਲੌਗ ਵਿਖਾਉਣ ਲੱਗਾ । ਕਹਿੰਦਾ ਹਰ ਰਚਨਾ ਦੇ ਥੱਲੇ ਵੇਖ ਕਿੰਨੇ ਕਿੰਨੇ comment ਨੇ। ਮੈਂ ਵੇਖਿਆ ਹਰ ਰਚਨਾ ਦੇ ਥੱਲੇ ਇੱਕ ਜਾਂ ਕਿਸੇ ਦੇ ਉੱਪਰ ਦੋ comment ਸੀ ਬਸ।ਮੈਂ ਕਿਹਾ ਫਿਰ।ਕਹਿੰਦਾ ਰੁਕ ਜ਼ਰਾ ਫਿਰ ਉਹ ਮੈਨੂੰ ਹਿੰਦੀ ਸਾਹਿਤ ਨਾਲ ਜੁੜੇ ਬਲੌਗ ਵਿਖਾਉਣ ਲੱਗਾ।ਕਹਿੰਦਾ ਇਨ੍ਹਾਂ ਰਚਨਾਵਾਂ ਥੱਲੇ ਵੇਖ ਕਿੰਨੇ ਕਿੰਨੇ COMMENT ਨੇ।ਮੈਂ ਵੇਖਿਆ ਹਰ ਰਚਨਾ ਥੱਲੇ ਘੱਟੋ ਘੱਟ ੧੦ ਤੋਂ ਲੈ ਕੇ ੨੦ ਤੱਕ COMMENT ਸੀ।ਕਹਿੰਦਾ ਵੇਖ ਹੁਣ ਤਾਂ ਦੱਸ ਹੋਏ ਨਾ ਫਿਰ ਪੰਜਾਬੀ ਸੂਮ ਪ੍ਰਤੀਕਿਰਿਆ ਦੇਣ ਦੇ ਮਾਮਲੇ 'ਚ।ਪਹਿਲਾਂ ਮੈਨੂੰ ਕੋਈ ਗੱਲ ਨਾ ਅਹੁੜੀ ਪਰ ਫਿਰ ਮੈਂ ਉਹਨੂੰ ਕਿਹਾ ਯਾਰ ਇਹ ਤੁਹਾਡੇ ਬੰਦੇ ਤਾਂ ਪ੍ਰਤੀਕਿਰਿਆ ਦਿੰਦੇ ਨੇ ਬਈ ਜੇ ਅਸ਼ੀ COMMENT ਛੱਡਾਂਗੇ ਤਾਂ ਹੀ ਕੋਈ ਸਾਡਾ ਬਲੌਗ ਖੋਲ ਕੇ ਵੇਖੂਗਾ ਤੇ ਮਜਬੂਰਨ ਉਹਨੂੰ ਵੀ COMMENT ਛੱਡਣਾ ਪੈਂਦਾ ਹੈ ਜਾਣੀ ਵਾਰੀ ਵੱਟਾ ਖੇਡਦੇ ਨੇ ਸਾਰੇ।ਪਰ ਉਹ ਕਹਿੰਦਾ ਚੱਲ ਜੇ ਮੈਂ ਤੇਰੀ ਗੱਲ ਮੰਨ ਵੀ ਲੈਂਦਾ ਹਾਂ ਤਾਂ ਵੀ ਇਹ ਤਾਂ ਸੱਚ ਹੈ ਕਿ ਜੇ ਕਿਸੇ ਬੰਦੇ ਨੇ ਪ੍ਰਤੀਕਿਰਿਆ ਦਿੱਤੀ ਹੈ ਇਹਦਾ ਮਤਲਬ ਉਸਨੇ ਤੁਹਾਡਾ ਬਲੌਗ ਵੇਖਿਆ ਨਾਲੇ ਰਚਨਾ ਪੜ੍ਹੀ ਤੁਹਾਡੀ ਤਦ ਹੀ ਪ੍ਰਤੀਕਿਰਿਆ ਦਿੱਤੀ ਉਂਝ ਤਾਂ ਕੋਈ ਨੀ ਛੱਡਦਾ ਪ੍ਰਤੀਕਿਰਿਆ ਯਾਰ।ਹੁਣ ਮੈਨੂੰ ਲੱਗਾ ਗੱਲ ਉਹਦੀ ਵੀ ਠੀਕ ਆ।ਜੇ ਆਪਾਂ ਪੰਜਾਬੀ ਸਾਹਿਤ ਦੀਆਂ ਪਹਿਲੀਆਂ 'ਤੇ ਝਾਤੀ ਮਾਰੀਏ ਤਾਂ ਪਤਾ ਲੱਗਦਾ ਹੈ ਕਿ ਪਹਿਲਾਂ ਕਿੰਨਾ ਪਾਠਕਾਂ ਤੇ ਲੇਖਕਾਂ ਵਿੱਚ ਖਤੂ ਖਤੂਤ ਦਾ ਸਿਲਸਿਲਾ ਹੁੰਦਾ ਸੀ ਜਿਹੜਾ ਸਮੇਂ ਨਾਲ ਬਿਲਕੁਲ ਬੰਦ ਹੀ ਹੋ ਗਿਆ ਹੈ।ਪਰ ਅੱਜ ਸਾਨੂੰ ਇਸਦੀ ਲੋੜ ਹੈ।ਜਦੋਂ ਵੀ ਤੁਸੀ ਬਲੌਗ ਵੇਖ ਰਹੇ ਹੁੰਦੇ ਹੋ ਤਾਂ ਉਸੇ ਵਕਤ ਪ੍ਰਤੀਕਿਰਿਆ ਦੇਣੀ ਬਣਦੀ ਹੈ ਤੇ ਦਿਆ ਵੀ ਜ਼ਰੂਰ ਕਰੋ ਪੰਜਾਬੀਓ।ਰਚਨਾ 'ਤੇ ਚੰਗੀ ਜਾਂ ਮਾੜੀ ਪ੍ਰਤੀਕਿਰਿਆ ਲੇਖਕ ਦਾ ਹੌਂਸਲਾ ਵਧਾਉਂਦੀ ਹੈ ਸੋ ਸਾਹਿਤ ਦੇ ਸਾਹ ਚੱਲਦੇ ਰੱਖਣ ਲਈ ਪ੍ਰਤਿਕਿਰਿਆ ਦੇਣੀ ਵੀ ਜ਼ਰੂਰੀ ਬਣਦੀ ਹੈ।ਮੈਨੂੰ ਲੱਗਦਾ ਹੈ ਕਿ ਅੱਗੇ ਤੋਂ ਸਾਨੂੰ ਕੋਈ ਸੂਮ ਨਾ ਕਹੇ ਤਾਂ ਹੀ ਚੰਗਾ ਹੈ ਕਿਉਂਕਿ ........ਬਾਕੀ ਤੁਸੀ ਖੁਦ ਹੀ ਸਮਝਦਾਰ ਹੋ ਜਨਾਬ-ਏ-ਆਲੀ....ਬਾਕੀ ਜੇ ਤੁਸੀ ਮੇਰੀ ਗੱਲ ਨਾਲ ਸਹਿਮਤ ਹੋ ਤਾਂ ਦਿਓ ਹੁਣੇ COMMENT

ਦੋ ਲਘੂ ਨਜ਼ਮਾਂ

2009-09-11T22:43:00.000-07:00

ਬੇਮੁੱਖਤਾ ੧
.....
ਸੋਚਾਂ ਦਾ ਅਕਸ
ਸ਼ਬਦੋਂ ਕੋਰਾ
ਬੇਮੁੱਖ ਹੋਈ
ਮੈਥੋਂ ਕਵਿਤਾ ।
-----
ਬੇਮੁੱਖਤਾ ੨
....
ਭਾਵਾਂ ਦੀ ਬਾਰਿਸ਼
ਛਮ ਛਮ ਛਮ ਛਮ
ਬੰਜਰ ਭੋਂਇ
ਬੀਜ ਵਿਅਰਥਾ ।
-----

ਰਾਹ ਵਿੱਚ ਜੋ ਆਇਆ...

2009-09-11T08:21:00.000-07:00

ਜੋ ਮੈਂ ਵੇਖਿਆ...

2009-09-10T09:06:00.001-07:00

2009-09-10T09:06:00.000-07:00

ਗ਼ਜ਼ਲ

2009-06-11T00:47:00.000-07:00

ਚਿਰਾਗਾਂ ਦੀ ਕਰਾਂਗਾ ਗੱਲ ਹਵਾਵਾਂ ਤੋਂ ਜ਼ਰਾ ਚੋਰੀ

ਖਿੜਾਵਾਂਗਾ ਨਵਾਂ ਇੱਕ ਫੁੱਲ ਖਿਜ਼ਾਵਾਂ ਤੋਂ ਜ਼ਰਾ ਚੋਰੀ

---

ਲਿਖਾਂ ਸਤਰਾਂ 'ਚ ਸੂਰਜ ਦਾ ਮੈਂ ਸਿਰਨਾਵਾਂ ਹਨੇਰੇ ਲਈ

ਗੁਨਾਹ ਕਰਦਾ ਹਾਂ ਲੋਕ ਆਖਣ ਸਜ਼ਾਵਾਂ ਤੋਂ ਜ਼ਰਾ ਚੋਰੀ

---

ਉਨ੍ਹਾਂ ਰਾਵ੍ਹਾਂ ਦਾ ਦੋਸ਼ੀ ਹਾਂ ਕਦੇ ਰਾਵ੍ਹਾਂ ਜਿਨ੍ਹਾਂ ਉੱਤੇ

ਕਦਮ ਤੁਰਿਆ ਸੀ ਕੁਝ ਮੈਂ ਪਰ ਦਿਸ਼ਾਵਾਂ ਤੋਂ ਜ਼ਰਾ ਚੋਰੀ

---

ਨਜ਼ਰ ਵਿਚਲੀ ਤੇ ਦਿਲ ਵਿਚਲੀ ਕਦੇ ਸੂਰਤ ਨਹੀਂ ਮਿਲਦੀ

ਜਫ਼ਾ ਕਰਦਾ ਥੋੜੀ ਥੋੜੀ ਵਫ਼ਾਵਾਂ ਤੋਂ ਜ਼ਰਾ ਚੋਰੀ

---

ਸਮੇਂ ਦੀ ਚਾਲ ਹੈ ਐਸੀ ਨਹੀਂ ਮਿਲਦਾ ਨਿਸ਼ਾਂ ਕੋਈ

ਗੁਜ਼ਰਦੇ ਕਾਫਿਲੇ ਇੱਥੋਂ ਨੇ ਰਾਵ੍ਹਾਂ ਤੋਂ ਜ਼ਰਾ ਚੋਰੀ

ਗ਼ਜ਼ਲ

2009-05-26T03:29:00.000-07:00

ਜ਼ਖਮ ਸੀਨੇ ਦੇ ਵਿਖਾਊਂ ਫਿਰ ਕਦੇ
ਬੇਵਫ਼ਾ ਤੋਂ ਘੁੰਢ ਹਟਾਊਂ ਫਿਰ ਕਦੇ
---
ਸ਼ਾਮ ਮੇਰੇ ਕੋਲ ਇਕ ਹੀ ਰਹਿ ਗਈ
ਦਰਦ ਬਾਕੀ ਦੇ ਹੰਢਾਊੰ ਫਿਰ ਕਦੇ
---
ਦੋਸਤਾ ਅੱਜ ਗ਼ੈਰ ਨੂੰ ਬਣ ਲੈਣ ਦੇ
ਰਹਿਨੁਮਾਂ ਤੈਨੂੰ ਬਣਾਊਂ ਫਿਰ ਕਦੇ
---
ਖੁਸ਼ਕ ਰੁੱਖਾ ਤੇ ਅੜੀਅਲ ਆਖਦੇ
ਦੀਪ ਨਿਰਮੋਹੀ ਕਹਾਊਂ ਫਿਰ ਕਦੇ
--

ਗ਼ਜ਼ਲ

2009-04-07T05:24:00.000-07:00

ਬੰਦ ਹੈ ਤੇਰਾ ਇਸ਼ਾਰਾ ਅੱਜ ਕੱਲ੍ਹ
ਫਿਰ ਰਿਹਾਂ ਮੈਂ ਬੇਸਹਾਰਾ ਅੱਜ ਕੱਲ੍ਹ
---
ਗੱਲ ਮੇਰੀ ਟੋਕੇ ਨਾ ਤੂੰ ਜੇ ਕਦੀ
ਜਾਪੇ ਹਰ ਮੁੱਦਾ ਨਕਾਰਾ ਅੱਜ ਕੱਲ੍ਹ
---
ਥਾਂ ਕੁਥਾਂ ਹੁਣ ਭਟਕਣੇ ਦਾ ਡਰ ਨਹੀਂ
ਗ਼ਮਜ਼ਦਾ ਹੈ ਦਿਲ ਅਵਾਰਾ ਅੱਜ ਕੱਲ੍ਹ
---
ਵੰਡ ਸਕਦਾ ਨਹੀਂ ਦਰਦ ਸ਼ਿਅਰਾਂ ਨੂੰ ਮੈਂ
ਲਫ਼ਜ਼ ਨਾ ਦਿੰਦੇ ਸਹਾਰਾ ਅੱਜ ਕੱਲ੍ਹ
---
ਕਰ ਨਾ ਵਾਅਦਾ ਤੂੰ ਨਿਭਾ ਸਕਣਾ ਨਹੀਂ
ਚੱਲ ਰਿਹਾ ਮਾੜਾ ਸਿਤਾਰਾ ਅੱਜ ਕੱਲ੍ਹ

ਕਵਿਤਾ

2009-03-07T08:16:00.000-08:00

ਕਈ ਵਾਰ ਬਹੁਤ ਕੁਝ ਬੋਲ ਕੇ ਵੀ ਅਸੀਂ ਕੁਝ ਕਹਿਣ ਤੋਂ ਅਸਮਰੱਥ ਹੁੰਦੇ ਹਾਂ ਅਤੇ ਕਈ ਵਾਰ ਬਿਨ੍ਹਾਂ ਕੁਝ ਕਹੇ ਵੀ ਆਪਣੇ ਅਹਿਸਾਸ ਖ਼ਿਆਲ ਆਪਣੇ ਪਿਆਰਿਆਂ ਨਾਲ ਸਾਂਝੇ ਕਰ ਲੈਂਦੇ ਹਾਂ।ਮੈਂ ਇਨ੍ਹਾਂ 'ਖ਼ਾਮੋਸ਼ ਸ਼ਬਦਾਂ' ਨੂੰ ਮਹੁੱਬਤ ਅਤੇ ਇਬਾਦਤ ਦਾ ਨਾਮ ਦਿੰਦਾ ਹਾਂ।
ਜਦੋਂ ਮਹੁੱਬਤ ਇੰਤਹਾਂ ਦੀ ਹੱਦ ਤੱਕ ਹੋ ਜਾਏ ਤਾਂ ਇਬਾਦਤ ਬਣ ਜਾਂਦੀ ਹੈ ਤੇ ਜਦੋਂ ਇਬਾਦਤ ਨਿੱਤਨੇਮ ਹੋ ਜਾਏ ਤਾਂ ਜਨਮ ਹੁੰਦਾ ਹੈ 'ਖ਼ਾਮੋਸ਼ ਸ਼ਬਦਾਂ' ਦਾ ਜੋ ਬਹੁਤ ਕੁਝ ਕਹਿ ਕੇ ਵੀ ਚੁੱਪ ਧਾਰੀ ਰੱਖਦੇ ਨੇ।ਇਨ੍ਹਾਂ 'ਖ਼ਾਮੋਸ਼ ਸ਼ਬਦਾਂ' ਦਾ ਤਰਜਮਾ ਹੀ ਹੁੰਦੀ ਏ 'ਕਵਿਤਾ'।

ਨਜ਼ਮ

2009-01-24T09:06:00.000-08:00

ਵਸਲ
---
ਕਦੇ ਤੂੰ ਮਿਲਦੀ ਸੀ
ਕਦੇ ਮੈਂ ਮਿਲਦਾ ਸੀ
ਪਰ 'ਆਪਾਂ' ਕਦੇ ਨਹੀਂ ਮਿਲੇ ਸੀ
--
ਹੁਣ ਤੂੰ ਨਹੀਂ ਮਿਲਦੀ
ਹੁਣ ਮੈਂ ਨਹੀਂ ਮਿਲਦਾ
ਹੁਣ 'ਅਸੀਂ' ਮਿਲਦੇ ਹਾਂ ।

ਨਜ਼ਮ

2009-01-17T23:56:00.000-08:00

ਗੁਨਾਹ...
---
ਅੱਜ ਫੇਰ
ਸ਼ਬਦ
ਦਮ ਤੋੜ ਗਏ
ਘੁੱਟ ਘੁੱਟ ਕੇ ਮੇਰੇ ਅੰਦਰ
ਨਹੀਂ ਪਹਿਨਾ ਸਕਿਆਂ
ਸ਼ਬਦਾਂ ਨੂੰ
ਬਹਿਰ ਦਾ ਲਿਬਾਸ
'ਤੇ ਅੱਜ ਫੇਰ ਇਕ
ਗ਼ਜ਼ਲ ਦਾ ਸਾਹ ਲੈਣ ਤੋਂ ਪਹਿਲਾਂ
ਗਰਭਪਾਤ ਕੀਤਾ ਗਿਆ
ਤੇ ਲਿਖਿਆ ਗਿਆ
ਅੱਜ ਮੇਰੇ ਨਾਂ
ਇਕ ਹੋਰ
ਗੁਨਾਹ...

ਨਜ਼ਮ

2009-01-08T09:57:00.000-08:00

ਦੁਆ/ਬਦਦੁਆ
----
ਮੇਰੇ ਹਿੱਸੇ ਦੀਆਂ ਦੁਆਵਾਂ ਨੂੰ
ਨਾ ਸ਼ਬਦ ਨਸੀਬ ਹੋਏ
ਮੇਰੇ ਚਿਰਾਗਾਂ 'ਤੇ ਸਦਾ
ਬਦਦੁਆਵਾਂ ਮੰਡਰਾਉਂਦੀਆਂ ਰਹੀਆਂ ।

ਨਜ਼ਮ

2009-01-04T01:22:00.000-08:00

ਸਿਸਟਮ
-------
ਰੱਬਾ
ਤੇਰੇ ਸਿਸਟਮ ਵਿੱਚ
ਵਿਗਾੜ ਆ ਗਿਆ ਹੈ
ਅੱਜਕੱਲ੍ਹ ਵਕਤ ਹੈਂਗ ਰਹਿਣ ਲੱਗ ਪਿਆ ਹੈ
ਕਿਉਂ ਨੀ ਸਿਰਜਦਾ
ਕੋਈ ਐਂਟੀ-ਵਾਇਰਸ .

ਦੀਪ ਨਿਰਮੋਹੀ

ਨਜ਼ਮ

2008-12-28T02:27:00.000-08:00

ਭਰਮਾਂ ਦੀਆਂ ਪੈੜ੍ਹਾਂ
...................
ਸ਼ੀਸ਼ੇ ਤੋਂ ਡਰਦੇ ਡਰਦੇ
ਸ਼ੀਸ਼ੇ ਤੋਂ ਨਜ਼ਰ ਚਰਾਉਂਦੇ
ਲੰਘ ਆਏ ਹਾਂ
ਭੱਜ ਆਏ ਹਾਂ
ਬੜੀ ਦੂਰ
ਪਿੱਛੇ ਛੱਡ
ਭਰਮਾਂ ਦੀਆਂ ਪੈੜ੍ਹਾਂ ।

ਦੀਪ ਨਿਰਮੋਹੀ

2008-12-20T07:03:00.000-08:00

ਕਵਿਤਾ

2008-12-14T10:43:00.000-08:00

ਬਦ-ਦੁਆ

2008-12-14T06:50:00.000-08:00

ਕਦੇ ਨਾ ਮੁੱਕਣੇ ਵਾਲਾ ਦਰਦ ਸਤਰਾਂ ਨੂੰ ਦੇ ਬੈਠਾ
ਦਿੰਦੇ ਨੇ ਬਦ-ਦੁਆਵਾਂ ਹੁਣ ਕਿਤਾਬਾਂ ਦੇ ਸਫ਼ੇ ਮੈਨੂੰ

ਵਿਚਾਰ

2008-12-06T10:40:00.000-08:00

ਮੇਰੇ ਦੋਸਤ ਰੂਪ ਲਾਲ ਨੇ ਇਕ ਵਾਰ ਮੇਰੀ ਕਾਪੀ 'ਤੇ ਇਕ ਵਿਚਾਰ ਲਿਖਿਆ ਸੀ ਕਿ ਕਦੇ ਇਹ ਨਾ ਸੋਚੋ ਕਿ ਕੋਈ ਤੁਹਾਡੇ ਲਈ ਕੀ ਕਰ ਰਿਹਾ ਹੈ ਸਗੋਂ ਇਹ ਸੋਚੋ ਕਿ ਤੁਸੀ ਕਿਸੇ ਲਈ ਕੀ ਕਰ ਰਹੇ ਹੋ।ਸਚਮੁਚ ਹੀ ਜੇ ਸਭ ਲੋਗ ਇੰਝ ਸੋਚਣ ਲੱਗ ਜਾਣ ਤਾਂ ਕਿਸੇ ਕਿਸਮ ਦਾ ਕੋਈ ਝਗੜਾ ਹੀ ਨਾ ਰਹੇ।

ਕਵਿਤਾ

2008-12-06T09:16:00.000-08:00

ਕਵਿਤਾ ਦੀ ਹੋਂਦ ਵਿੱਚ ਕੈਦ ਖਿਆਲ
ਮਹਿਸੂਸ ਕਰਦੇ ਨੇ
"ਕਦੇ ਕਦੇ ਗ਼ੁਲਾਮ ਹੋਣਾ ਵੀ
ਚੰਗਾ ਚੰਗਾ ਲਗਦਾ ਏ"

ਗ਼ਜ਼ਲ

2008-12-05T06:36:00.000-08:00

ਨਾ ਹਵਾ ਦਾ ਜ਼ੋਰ ਸੀ ਨਾ ਹੀ ਖ਼ਿਜ਼ਾ
ਫੇਰ ਵੀ ਪੱਤੇ ਝੜੇ੍ ਤਾਂ ਕੀ ਕਰਾਂ

ਮੰਜ਼ਿਲਾਂ ਦਾ ਨਾ ਪਤਾ ਕੋਈ ਦੱਸੇ
ਰਾਹਬਰ ਭਾਂਵੇਂ ਬੜੇ ਤਾਂ ਕੀ ਕਰਾਂ

ਚਾਹੁੰਦਾ ਲਿਖਣੀ ਤੇਰੇ 'ਤੇ ਮੈਂ ਗ਼ਜ਼ਲ
ਹਰਫ ਨਾ ਜਾਂਦੇ ਫੜੇ੍ ਤਾਂ ਕੀ ਕਰਾਂ

ਮਾਂਗ ਤੇਰੀ 'ਤੇ ਸਜਾਉਂਦਾ ਚੰਨ ਮੈਂ
ਹੱਥ ਨਾ ਮਗਰ ਅਪੜੇ ਤਾਂ ਕੀ ਕਰਾਂ

ਮੰਨਿਆਂ ਨਹੀਂ ਆਉਣਾ ਤੂੰ ਹੁਣ ਕਦੇ
ਯਾਦ ਤੇਰੀ ਆ ਖੜ੍ਹੇ ਤਾਂ ਕੀ ਕਰਾਂ

ਚੁੱਪ ਚਾਪ ਖੜ੍ਹਾ ਕਿਵੇਂ ਵੇਖ ਸਕਦਾਂ
ਫੁੱਲ ਨਾਲ ਫ਼ਿਜ਼ਾ ਲੜੇ ਤਾਂ ਕੀ ਕਰਾਂ

ਤੂੰ ਕਹੇਂ ਤਾਂ ਦਿਲ ਉਤਾਰਾ ਵਰਕ 'ਤੇ
ਪਰ ਸਫ਼ੇ ਜੇ ਫਿਰ ਸੜੇ ਤਾਂ ਕੀ ਕਰਾਂ

ਗ਼ਜ਼ਲ

2008-11-29T11:21:00.000-08:00

ਕੁਝ ਹੈ ਪਰ ਕੁਝ ਹੈ ਵੀ ਨਹੀਂ
ਡਗਮਗਾਈ ਪਰ ਡੁੱਬਦੀ ਨਹੀਂ

ਨਹੀਂ ਲੋੜ ਸਾਨੂੰ ਹੁਣ ਫੁੱਲਾਂ ਦੀ
ਖਾਰਾਂ ਦੀ ਖੁਸ਼ਬੂ ਹੀ ਮੁੱਕਦੀ ਨਹੀਂ

ਤੁਸੀ ਹੀ ਸਭ ਸੰਭਾਲੋ ਸੂਰਜੋ
ਕਿ ਸਾਨੂੰ ਤਾਂ ਰੋਸ਼ਨੀ ਪੁੱਗਦੀ ਨਹੀਂ

ਉਨ੍ਹਾਂ ਦੇ ਪੱਲੇ ਗੀਤ ਨੇ ਪਰਵਾਜਾਂ ਦੇ
ਪਿੰਜਰੇ ਦੇ ਪੰਛੀਆ ਨੂੰ ਉਡਾਰੀ ਜੁੜਦੀ ਨਹੀਂ

ਕੋਸ਼ਿਸ਼ ਤਾਂ ਕੀਤੀ ਮੈਂ ਬਹੁਤ ਪਰ
ਹੰਝੂਆਂ 'ਚ ਯਾਦ ਤੇਰੀ ਖੁਰਦੀ ਨਹੀਂ

ਮੈਂ ਕਿੰਝ ਉਸਨੂੰ ਜਾਣ ਤੋਂ ਰੋਕਦਾ
ਕੰਕਰਾਂ ਦੇ ਅੱਗੇ ਤਾਂ ਨਦੀ ਝੁੱਕਦੀ ਨਹੀਂ

ਗ਼ਜ਼ਲ

2008-11-29T11:09:00.000-08:00

ਬ੍ਰਿਹੋਂ ਦੀ ਮਸਜਿਦ ਅਜ਼ਾਨ ਹੋਈ ਤੜਪਣ ਲਈ
ਚੱਲ ਨੀ ਮੇਰੀ ਜਿੰਦੇ ਚੱਲੀਏ ਫਿਰ ਭਟਕਣ ਲਈ

ਸਾਵਣ ਮਹੀਨਾ ਚੱਲਿਆ ਵਿੱਚ ਹਿਜਰ ਦੇ ਬੀਤ
ਵਸਲਾਂ ਦੇ ਬੱਦਲ ਚਾਹੀਦੇ ਬਰਸਣ ਲਈ

ਹੋਂਦ ਮੇਰੀ ਨੂੰ ਹੁਣ ਲੋੜ ਹੈ ਹਵਾਵਾਂ ਦੀ
ਫੁੱਲ ਹਾਂ ਤੇ ਜੰਮਿਆਂ ਹਾਂ ਮਹਿਕਣ ਲਈ

ਖੁਸ਼ੀ ਵਿੱਚ ਘਿਰੇ ਰਹਿਣਾ ਹੀ ਨਹੀਂ ਹੈ ਜ਼ਿੰਦਗੀ
ਦਿਲ ਨੂੰ ਜ਼ਖਮ ਵੀ ਚਾਹੀਦਾ ਦਹਿਕਣ ਲਈ

ਦਰਪਣ ਤਾਂ ਬਹੁਤ ਵਿਕਦੇ ਨੇ ਬਾਜ਼ਾਰ ਅੰਦਰ
ਚਿਹਰਾ ਕਿੱਥੋਂ ਖਰੀਦ ਲਿਆਂਵਾਂ ਪਰ ਦਰਪਣ ਲਈ

ਹਮੇਸ਼ਾ ਹੀ ਬੋਲੇ ਸੱਚ ਸ਼ੀਸ਼ਾ ਜ਼ਰੂਰੀ ਤਾਂ ਨਹੀਂ
ਦੂਸਰੇ ਦਾ ਦਿਲ ਵੇਖੋ ਆਪਣੇ ਆਪ ਨੂੰ ਤੱਕਣ ਲਈ ।

ਖੁਸ਼ਾਮਦੀਦ

2008-11-29T09:43:00.000-08:00

ਲਓ ਜਨਾਬ ਜੀ ਦੀਪ ਨਿਰਮੋਹੀ ਵੀ ਹਾਜ਼ਿਰ ਹੈ ਪੰਜਾਬੀ ਵਿੱਚ ਆਪਣਾ ਬਲੋਗ ਲੈ ਕੇ। ਪੰਜਾਬੀ ਭਾਸ਼ਾ ਦੇ ਵਿਕਾਸ ਲਈ ਤਨਦੀਪ ਤਮੰਨਾ ਹੁਰਾਂ ਅਤੇ ਆਪਣੇ ਹੋਰ ਕਈ ਮਿੱਤਰਾਂ ਦੇ ਬਲੋਗਾਂ ਤੋਂ ਪ੍ਰੇਰਨਾ ਲੈ ਕੇ ਮੈਂ ਵੀ ਤੁਹਾਡੇ ਵਿਹੜੇ ਵਿੱਚ ਆਪਣੇ ਹਿੱਸੇ ਦਾ ਯੋਗਦਾਨ ਪਾਉਣ ਦੀ ਕੋਸ਼ਿਸ਼ 'ਚ ਹਾਂ। ਸ਼ੁਕਰਗੁਜ਼ਾਰ ਹਾਂ ਤਮੰਨਾ ਜੀ ਦਾ ਜਿਨ੍ਹਾਂ ਮੈਨੂੰ ਪੰਜਾਬੀ ਵਿੱਚ ਬਲੋਗ ਲਿਖਣ ਦੀ ਤਕਨੀਕ ਭੇਜੀ। ਧੰਨਵਾਦ ਨਵਰਾਹੀ ਜੀ ਦਾ ਵੀ ਜਿਨ੍ਹਾਂ ਬਲੋਗ ਬਣਾਉਣ ਵਿੱਚ ਮੇਰੀ ਮਦਦ ਕੀਤੀ। ਜਲਦੀ ਹੀ ਤੁਸੀ ਮੇਰੀਆਂ ਰਚਨਾਵਾਂ ਦੇ ਰੂ-ਬ-ਰੂ ਹੋਵੋਗੇ।
ਦੀਪ ਨਿਰਮੋਹੀ