Monday, November 2, 2009

ਗ਼ਜ਼ਲ

ਦੋਸਤੋ ! ਅੱਜ ਮੈਂ ਜਿਹੜੀ ਗ਼ਜ਼ਲ ਤੁਹਾਡੇ ਨਾਲ ਸਾਂਝੀ ਕਰਨ ਜਾ ਰਿਹਾਂ ਹਾਂ ਇਹ 16 ਜੁਲਾਈ 2005 ਦੀ ਲਿਖੀ ਹੋਈ ਹੈ।ਅੱਜ ਦਿਲ ਕੀਤਾ ਕਿ ਆਪਣੀ ਪੁਰਾਣੀ ਗ਼ਜ਼ਲ ਤੁਹਾਡੇ ਰੂ-ਬ-ਰੂ ਕਰਾਂ।ਉਮੀਦ ਹੈ ਪ੍ਰਤੀਕਿਰਿਆ ਜ਼ਰੂਰ ਦਿਓਗੇ...
---
ਗ਼ਜ਼ਲ
---
ਤੂੰ ਮੇਰੀ ਮੈਂ ਤੇਰਾ ਰਾਤ ਦਿਨ ਦੀ ਤਰ੍ਹਾਂ
ਨਾ ਵਿਛੜ ਹੀ ਸਕੇ ਨਾ ਮਿਲੇ ਹਾਂ ਕਦੇ
---
ਹਮਸਫ਼ਰ ਵੀ ਮਿਲੇ ਰਹਿਨੁਮਾਂ ਵੀ ਮਿਲੇ
ਪਰ ਪਤੇ ਮੰਜ਼ਿਲਾਂ ਦੇ ਮਿਲੇ ਨਾ ਕਦੇ
---
ਕੁਝ ਕੁ ਨਜ਼ਰਾਂ ਲਈ ਗੁਜ਼ਰਿਆਂ ਵਕਤ ਹਾਂ
ਕੁਝ ਲਈ ਮੈਂ ਅਭੁੱਲ ਦਾਸਤਾਂ ਹਾਂ ਕਦੇ
---
ਮਿਲ ਲਕੀਰਾਂ ਗਈਆਂ ਕਿਸਮਤਾਂ ਵੀ ਮਿਟ
ਜਾਨ ਕਲਬੂਤ ਵੀ ਰਹਿ ਸਦਾ ਨਾ ਕਦੇ
---
ਦਾਸਤਾਂ ਇਸ਼ਕ ਦੀ ਨਸ਼ਰ ਹੋ ਜਾਣੀ ਸੀ
ਮੁੱਠੀ ਵਿੱਚ ਨਾ ਲੁਕੇ ਰੌਸ਼ਨੀ ਤਾਂ ਕਦੇ
---
ਵੇਖ ਵਗਦੀ ਨਦੀ ਸਿੱਖ ਜਿਊਣਾ ਜ਼ਰਾ
ਰੁਕਿਆਂ ਤਾਂ ਕਿਸੇ ਦੇ ਵਕਤ ਰੁਕੇ ਨਾ ਕਦੇ ।
---

Saturday, October 10, 2009

ਪੰਜਾਬੀ ਬੜੇ ਸੂਮ ਹੋਤੇ ਹੈਂ...

ਕੁਝ ਦਿਨ ਪਹਿਲਾਂ ਮੇਰਾ ਇਕ ਮਿੱਤਰ ਜੋ ਹਿੰਦੀ ਸਾਹਿਤ ਨਾਲ ਜੁੜਿਆ ਹੋਇਆ ਹੈ ਮੇਰੇ ਕੋਲ ਬੈਠਾ ਸੀ ਅਸੀਂ ਪੰਜਾਬੀ ਦੀ ਇੱਕ ਕਹਾਣੀ ਪੜ੍ਹ ਰਹੇ ਸੀ ਉਸ ਵਿੱਚ ਇਕ ਸ਼ਬਦ ਆਇਆ ਸੂਮ ਉਸਨੂੰ ਇਸ ਦਾ ਮਤਲਬ ਨਹੀਂ ਪਤਾ ਸੀ ਮੈਂ ਉਹਨੂੰ ਇਸ ਦਾ ਮਤਲਬ ਸਮਝਾਇਆ ਕਿ ਭਾਈ ਇਸ ਦਾ ਮਤਲਬ ਕੰਜੂਸ ਹੁੰਦਾ।ਉਹ ਫਟਾ ਫੱਟ ਮੂੰਹ ਸਵਾਰ ਕੇ ਮੈਨੂੰ ਕਹਿਣ ਲੱਗਾ ਫਿਰ ਤੋਂ ਪੰਜਾਬੀ ਬੜੇ ਸੂਮ ਹੋਤੇ ਹੈ।ਮੈਂ ਕਿਹਾ ਉਹ ਤੈਨੂੰ ਕੀ ਹੋ ਗਿਆ ਪੰਜਾਬੀ ਤਾਂ ਪੂਰੀ ਦੁਨੀਆ ਵਿਚ ਖੁੱਲੇ ਜਿਗਰੇ ਕਰਕੇ ਹੀ ਪ੍ਰਸਿੱਧ ਨੇ ਤੂੰ ਕਿਸ ਆਧਾਰ 'ਤੇ ਕਹਿ ਰਿਹਾਂ ਕਿ ਪੰਜਾਬੀ ਸੂਮ ਹੁੰਦੇ ਆ।ਉਹਨੇ ਫਟਾ ਫੱਟ ਆਪਣਾ ਲੈਪਟੌਪ ਚੁੱਕਿਆ ਤੇ ਇੰਟਰਨੈੱਟ 'ਤੇ ਚੱਲ ਰਹੇ ਪੰਜਾਬੀ ਸਾਹਿਤ ਨਾਲ ਜੁੜੇ ਬਲੌਗ ਵਿਖਾਉਣ ਲੱਗਾ । ਕਹਿੰਦਾ ਹਰ ਰਚਨਾ ਦੇ ਥੱਲੇ ਵੇਖ ਕਿੰਨੇ ਕਿੰਨੇ comment ਨੇ। ਮੈਂ ਵੇਖਿਆ ਹਰ ਰਚਨਾ ਦੇ ਥੱਲੇ ਇੱਕ ਜਾਂ ਕਿਸੇ ਦੇ ਉੱਪਰ ਦੋ comment ਸੀ ਬਸ।ਮੈਂ ਕਿਹਾ ਫਿਰ।ਕਹਿੰਦਾ ਰੁਕ ਜ਼ਰਾ ਫਿਰ ਉਹ ਮੈਨੂੰ ਹਿੰਦੀ ਸਾਹਿਤ ਨਾਲ ਜੁੜੇ ਬਲੌਗ ਵਿਖਾਉਣ ਲੱਗਾ।ਕਹਿੰਦਾ ਇਨ੍ਹਾਂ ਰਚਨਾਵਾਂ ਥੱਲੇ ਵੇਖ ਕਿੰਨੇ ਕਿੰਨੇ COMMENT ਨੇ।ਮੈਂ ਵੇਖਿਆ ਹਰ ਰਚਨਾ ਥੱਲੇ ਘੱਟੋ ਘੱਟ ੧੦ ਤੋਂ ਲੈ ਕੇ ੨੦ ਤੱਕ COMMENT ਸੀ।ਕਹਿੰਦਾ ਵੇਖ ਹੁਣ ਤਾਂ ਦੱਸ ਹੋਏ ਨਾ ਫਿਰ ਪੰਜਾਬੀ ਸੂਮ ਪ੍ਰਤੀਕਿਰਿਆ ਦੇਣ ਦੇ ਮਾਮਲੇ 'ਚ।ਪਹਿਲਾਂ ਮੈਨੂੰ ਕੋਈ ਗੱਲ ਨਾ ਅਹੁੜੀ ਪਰ ਫਿਰ ਮੈਂ ਉਹਨੂੰ ਕਿਹਾ ਯਾਰ ਇਹ ਤੁਹਾਡੇ ਬੰਦੇ ਤਾਂ ਪ੍ਰਤੀਕਿਰਿਆ ਦਿੰਦੇ ਨੇ ਬਈ ਜੇ ਅਸ਼ੀ COMMENT ਛੱਡਾਂਗੇ ਤਾਂ ਹੀ ਕੋਈ ਸਾਡਾ ਬਲੌਗ ਖੋਲ ਕੇ ਵੇਖੂਗਾ ਤੇ ਮਜਬੂਰਨ ਉਹਨੂੰ ਵੀ COMMENT ਛੱਡਣਾ ਪੈਂਦਾ ਹੈ ਜਾਣੀ ਵਾਰੀ ਵੱਟਾ ਖੇਡਦੇ ਨੇ ਸਾਰੇ।ਪਰ ਉਹ ਕਹਿੰਦਾ ਚੱਲ ਜੇ ਮੈਂ ਤੇਰੀ ਗੱਲ ਮੰਨ ਵੀ ਲੈਂਦਾ ਹਾਂ ਤਾਂ ਵੀ ਇਹ ਤਾਂ ਸੱਚ ਹੈ ਕਿ ਜੇ ਕਿਸੇ ਬੰਦੇ ਨੇ ਪ੍ਰਤੀਕਿਰਿਆ ਦਿੱਤੀ ਹੈ ਇਹਦਾ ਮਤਲਬ ਉਸਨੇ ਤੁਹਾਡਾ ਬਲੌਗ ਵੇਖਿਆ ਨਾਲੇ ਰਚਨਾ ਪੜ੍ਹੀ ਤੁਹਾਡੀ ਤਦ ਹੀ ਪ੍ਰਤੀਕਿਰਿਆ ਦਿੱਤੀ ਉਂਝ ਤਾਂ ਕੋਈ ਨੀ ਛੱਡਦਾ ਪ੍ਰਤੀਕਿਰਿਆ ਯਾਰ।ਹੁਣ ਮੈਨੂੰ ਲੱਗਾ ਗੱਲ ਉਹਦੀ ਵੀ ਠੀਕ ਆ।ਜੇ ਆਪਾਂ ਪੰਜਾਬੀ ਸਾਹਿਤ ਦੀਆਂ ਪਹਿਲੀਆਂ 'ਤੇ ਝਾਤੀ ਮਾਰੀਏ ਤਾਂ ਪਤਾ ਲੱਗਦਾ ਹੈ ਕਿ ਪਹਿਲਾਂ ਕਿੰਨਾ ਪਾਠਕਾਂ ਤੇ ਲੇਖਕਾਂ ਵਿੱਚ ਖਤੂ ਖਤੂਤ ਦਾ ਸਿਲਸਿਲਾ ਹੁੰਦਾ ਸੀ ਜਿਹੜਾ ਸਮੇਂ ਨਾਲ ਬਿਲਕੁਲ ਬੰਦ ਹੀ ਹੋ ਗਿਆ ਹੈ।ਪਰ ਅੱਜ ਸਾਨੂੰ ਇਸਦੀ ਲੋੜ ਹੈ।ਜਦੋਂ ਵੀ ਤੁਸੀ ਬਲੌਗ ਵੇਖ ਰਹੇ ਹੁੰਦੇ ਹੋ ਤਾਂ ਉਸੇ ਵਕਤ ਪ੍ਰਤੀਕਿਰਿਆ ਦੇਣੀ ਬਣਦੀ ਹੈ ਤੇ ਦਿਆ ਵੀ ਜ਼ਰੂਰ ਕਰੋ ਪੰਜਾਬੀਓ।ਰਚਨਾ 'ਤੇ ਚੰਗੀ ਜਾਂ ਮਾੜੀ ਪ੍ਰਤੀਕਿਰਿਆ ਲੇਖਕ ਦਾ ਹੌਂਸਲਾ ਵਧਾਉਂਦੀ ਹੈ ਸੋ ਸਾਹਿਤ ਦੇ ਸਾਹ ਚੱਲਦੇ ਰੱਖਣ ਲਈ ਪ੍ਰਤਿਕਿਰਿਆ ਦੇਣੀ ਵੀ ਜ਼ਰੂਰੀ ਬਣਦੀ ਹੈ।ਮੈਨੂੰ ਲੱਗਦਾ ਹੈ ਕਿ ਅੱਗੇ ਤੋਂ ਸਾਨੂੰ ਕੋਈ ਸੂਮ ਨਾ ਕਹੇ ਤਾਂ ਹੀ ਚੰਗਾ ਹੈ ਕਿਉਂਕਿ ........ਬਾਕੀ ਤੁਸੀ ਖੁਦ ਹੀ ਸਮਝਦਾਰ ਹੋ ਜਨਾਬ-ਏ-ਆਲੀ....ਬਾਕੀ ਜੇ ਤੁਸੀ ਮੇਰੀ ਗੱਲ ਨਾਲ ਸਹਿਮਤ ਹੋ ਤਾਂ ਦਿਓ ਹੁਣੇ COMMENT

Friday, September 11, 2009

ਦੋ ਲਘੂ ਨਜ਼ਮਾਂ

ਬੇਮੁੱਖਤਾ ੧
.....
ਸੋਚਾਂ ਦਾ ਅਕਸ
ਸ਼ਬਦੋਂ ਕੋਰਾ
ਬੇਮੁੱਖ ਹੋਈ
ਮੈਥੋਂ ਕਵਿਤਾ ।
-----
ਬੇਮੁੱਖਤਾ ੨
....
ਭਾਵਾਂ ਦੀ ਬਾਰਿਸ਼
ਛਮ ਛਮ ਛਮ ਛਮ
ਬੰਜਰ ਭੋਂਇ
ਬੀਜ ਵਿਅਰਥਾ ।
-----

ਰਾਹ ਵਿੱਚ ਜੋ ਆਇਆ...




Thursday, September 10, 2009

ਜੋ ਮੈਂ ਵੇਖਿਆ...