ਦੋਸਤੋ ! ਅੱਜ ਮੈਂ ਜਿਹੜੀ ਗ਼ਜ਼ਲ ਤੁਹਾਡੇ ਨਾਲ ਸਾਂਝੀ ਕਰਨ ਜਾ ਰਿਹਾਂ ਹਾਂ ਇਹ 16 ਜੁਲਾਈ 2005 ਦੀ ਲਿਖੀ ਹੋਈ ਹੈ।ਅੱਜ ਦਿਲ ਕੀਤਾ ਕਿ ਆਪਣੀ ਪੁਰਾਣੀ ਗ਼ਜ਼ਲ ਤੁਹਾਡੇ ਰੂ-ਬ-ਰੂ ਕਰਾਂ।ਉਮੀਦ ਹੈ ਪ੍ਰਤੀਕਿਰਿਆ ਜ਼ਰੂਰ ਦਿਓਗੇ...
---
ਗ਼ਜ਼ਲ
---
ਤੂੰ ਮੇਰੀ ਮੈਂ ਤੇਰਾ ਰਾਤ ਦਿਨ ਦੀ ਤਰ੍ਹਾਂ
ਨਾ ਵਿਛੜ ਹੀ ਸਕੇ ਨਾ ਮਿਲੇ ਹਾਂ ਕਦੇ
---
ਹਮਸਫ਼ਰ ਵੀ ਮਿਲੇ ਰਹਿਨੁਮਾਂ ਵੀ ਮਿਲੇ
ਪਰ ਪਤੇ ਮੰਜ਼ਿਲਾਂ ਦੇ ਮਿਲੇ ਨਾ ਕਦੇ
---
ਕੁਝ ਕੁ ਨਜ਼ਰਾਂ ਲਈ ਗੁਜ਼ਰਿਆਂ ਵਕਤ ਹਾਂ
ਕੁਝ ਲਈ ਮੈਂ ਅਭੁੱਲ ਦਾਸਤਾਂ ਹਾਂ ਕਦੇ
---
ਮਿਲ ਲਕੀਰਾਂ ਗਈਆਂ ਕਿਸਮਤਾਂ ਵੀ ਮਿਟ
ਜਾਨ ਕਲਬੂਤ ਵੀ ਰਹਿ ਸਦਾ ਨਾ ਕਦੇ
---
ਦਾਸਤਾਂ ਇਸ਼ਕ ਦੀ ਨਸ਼ਰ ਹੋ ਜਾਣੀ ਸੀ
ਮੁੱਠੀ ਵਿੱਚ ਨਾ ਲੁਕੇ ਰੌਸ਼ਨੀ ਤਾਂ ਕਦੇ
---
ਵੇਖ ਵਗਦੀ ਨਦੀ ਸਿੱਖ ਜਿਊਣਾ ਜ਼ਰਾ
ਰੁਕਿਆਂ ਤਾਂ ਕਿਸੇ ਦੇ ਵਕਤ ਰੁਕੇ ਨਾ ਕਦੇ ।
---
3 comments:
ਦੀਪ ਜੀ ਹੁਣ ਤੁਸੀਂ ਪਹਿਲਾਂ ਨਾਲੋਂ ਸਿਆਣੇ ਪਰ ਸੁਸਤ
ਹੋ ਗਏ ਹੋ
ਖੂਬ ਹੈ ਤੁਹਾਡੀ ਏਹ ਗ਼ਜ਼ਲ....ਸ਼ਾਲਾ ਹੋਰ ਵਧੀਆ ਲਿਖੋ.......
ਬਹੁਤ ਖੂਬ ਦੀਪ ਜੀ।
Post a Comment